2014നവംബര്‍ 14, ശിശുദിനം - രക്ഷാകര്‍തൃസമ്മേളന റിപ്പോര്‍ട്ടു്

2014 നവംബര്‍ 14 വെള്ളിയാഴ്ച്ച രാവിലെ കൃത്യം 10മണിക്കു് ഈശ്വരപ്രാര്‍ത്ഥനയോടെ രക്ഷാകര്‍തൃസമ്മേളനത്തിന്റെ ആദ്യ സെക്ഷന്‍ സമാരംഭിച്ചു. സ്കൂള്‍ പി.ടി.എ.പ്രസിഡന്റ് ശ്രീ.വി.അനിലാല്‍ അദ്ധ്യക്ഷത വഹിച്ച പ്രസ്തുത ചടങ്ങില്‍, ഹെഡ്മാസ്റ്റര്‍ ശ്രീ.ആര്‍.രാധാകൃഷ്ണന്‍ ഏവര്‍ക്കും സ്വാഗതം ആശംസിച്ചു. ബഹുമാന്യയായ വാര്‍ഡു് കൗണ്‍സിലര്‍ ശ്രീമതി.ലക്ഷ്മിക്കുട്ടി ടീച്ചര്‍ ചടങ്ങു് ഉദ്ഘാടനം ചെയ്തു. 

10.30നു് സര്‍വ്വ ശിക്ഷാ അഭിയാന്‍ (കേരളം) തയ്യാറാക്കിയ മൊഡ്യൂള്‍ പ്രകാരം തന്നെ രണ്ടാം സെക്ഷന്‍ തുടങ്ങി. ഈ സ്കൂളിലെ തന്ന അദ്ധ്യാപികയായ ശ്രീമതി.സുഷമാദേവി ടി എസ് ക്ലാസ്സ് നയിച്ചു. എല്ലാ മേഖലകളും ചര്‍ച്ച ചെയ്തുകൊണ്ടു് രക്ഷിതാവിനു് ഒരു ആത്മപരിശോധനയ്ക്കുള്ള അവസരം നല്കിക്കൊണ്ടു്, ഇനിയും ആര്‍ജ്ജിക്കേണ്ട കഴിവുകളെന്തൊക്കെയെന്നു് ബോധ്യപ്പെടുത്തിക്കൊണ്ടും കൊണ്ടും വളരെ രസകരവും വിജ്ഞാനപ്രദവുമായ രീതിയിലായിരുന്നു ക്ലാസ്സ്. തുടര്‍ന്നു് നടന്ന ചര്‍ച്ചയില്‍ രക്ഷിതാവിന്റെ സംശയങ്ങളും അനുഭവങ്ങളും പങ്കുവയ്ക്കപ്പെടുകയുണ്ടായി. തുടര്‍ന്നു് ഹെഡ്മാസ്റ്റര്‍ ചര്‍ച്ച ക്രോഡീകരിക്കുകയും ചര്‍ച്ചയില്‍ പങ്കെടുത്ത എല്ലാവരെയും അഭിനന്ദിക്കുകയും ചെയ്തു. ചടങ്ങില്‍ പങ്കെടുത്ത എല്ലാവര്‍ക്കും സ്റ്റാഫ് സെക്രട്ടറി ഡി.അമ്മിണി ടീച്ചര്‍ കൃതജ്ഞത രേഖപ്പെടുത്തി.